Ajuar de la boda vaqueira en el Alto de Aristébano
20 de abril de 2012 a la(s) 12:48
Xuntáranse mas vaqueirus
en ell Acebo´l outru anu
que pelus tien una cabra
ya fuechas vinti castañus.
Hóubulus de Buxinan,
La Feltrosa ya Las Chanus,
Brindimiana `l Acebal,
de Cheiriecha ya´l Rechanu...
Chegaban de todas partes,
ya tamien lus Asturianus
facían bon formigueiru:
nun se cabía´n el campu.
Achi taban las de
Cangas,
vendendu lus bochus brancus,
escabeche ya rusquias.
Cun lus peyechus nel carru
Había trinta tabiernas:
salía un tufu dacuandu
de murluza que tustaban
ya de fabes cun muscanciu,
Que resucitaba un muertu.
unus pregonan rusarius,
outrus vienden augua fresca
en xarrus prietus cun ramus;
Lus ciegus tocan ya cantan,
lus tambores, ridublandu,
acompañan a las gaitas;
y todus falan tan altu,
Que aquechu ye Babilonia.
Las campanas impizanun
a chamar la xente a misa;
lus del Acebal intramus;
Ya tucando lus pandeirus,
chevando un ramu bien maju,
cantamus tous esta xácara
que sacou un madrileñu:
este ramu chi intrigamus,
pa que nus guarde las vacas
que nus crien bonus xatus.
Lus vaqueirus de Cheiriecha
chevanun tamien un ramu;
pero nun valenun cousa
las coplas qui chi cantanun.
Durou la misa una
hora,
la purcisión un bon ratu:
you esquitei pur las alforxas,
que taba mediu burrachu
De la solfa de la misa,
lus vuladores ya ´l flatu,
las birridas ya la bucha:
nun cuspía de sicañu.
Atrapánunme las mozas
cun la bota intri las manus;
ya, sin deixame siquiera
que rimuchase lus labius,
Refrigánunme el fucicu
cun natas ya queisu blandu.
you imbilurteime cun una,
ya intrambus lus dous rudamus,
Púxichi de carantueña
una escudiecha de palu
que trouxeran cun cuachada,
ya unda chi quidaba algu;
Pero cheganun las outras,
lus mozus tamien tercianun,
ya mialma que costou trunfus
disfacer aquel cutarru.
Sintámunus a xantar,
ya cabu a nos lus de Ubachu:
lus caniles nun paraban;
las botas, xarrus ya vasus
Sicábanse tan axina,
que asumiyaba milagru.
esguilaban lus feisuelus
pur lus garguelus abaixu,
Cuandu cheganun dous mozus,
( yeran Pila, el de lus Chanus
ya Picus de Buxinan)
ya dixenun: ¿ Nun beichamus?
Alzánunse tous de afeitu,
lus viechus ya lus muchachus:
Yéramus vaquierus solus,
nin siquiera un Asturianu.
Cantaban cun lus pandeirus
la mucher del Marabayu
ya la ficha de catorce,
pero tintoulas el diañu
Indilgaches un copla
a las rapazas de Ubachu
que dicia: ( así you miedre,
ainda me tembla el cuayu)
nun saben fiar el cerru:
ah mal anu para echas,
ya que bien peinan el pelu.
Armouse tal granizada
de muquetes ya de palus,
patadas ya murdiscones,
que d`unu ya d´outro bandu
Poucas salienun en secu.
Lus de Vachau ya Trisacastru,
que yeran d´ echus gritaban:
Si en Ubachu fian bien
la estoupa, el cerru, ya ´l
cañamu;
ya acumpañaban las voces
cun abondus garrotazus.
Nosoutrus, al cuntistaches,
tampoucu yéramos mancus,
que dábamus réciu ´n enchus
cumu quie frada un castañu.
Quixu metese pur mediu
el Visor de San Xulianu;
pero mayánunche el chombu
cun ochu ou diez estacazus,
Que lu tumbanun ´n el
suelu.
Las mucheres intri tantu
esmesábanse de afeitu:
sei que andaba sueltu el diablu.
Gritou unu !La Xusticia!
ya tous nus agazapamus;
pero Xuanin de la Pinta
díxuches a lus contrarius
Puede amarrarse un
vaqueiru,
si quireis, cun tres ou cuatru;
peru da diente cun diente,
cuandu indilga un escribanu.
La pilutera acabouse;
vulvede de guey ´n un anu,
ya mientristantu, que filen
las muciquinas de Ubachu
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
