Miánicas que you achouquezcu ya cun esu alon. Loutru día tseí nu piriódicu qui la rapacina esta ruxina americana que ía muitu guapa, sí, la Escarlett; según dicía la nuticia paré que salíu disnuda nunus retratus que nun se sabía bien si lus fixera etsa mesma mientras se tsabucaba lus baxus nu bañu, u se lus entamarun lus infurmáticus cunas trampas esas que faen agora, gracias a lus prugramas esus del demoniu que tienen cun etsos que pueden faer tou lu que tses pasa pu la testa.
A mi estu que punía el piriódicu de la hestoria d’etsa ya del sou pubis trai-me sin cuidau, peru al tseer estu alcurdei-me de cuandu you yera guaje que andaba-mus tous alietsus pa agüechar a las nenas cuandu tses salían lus primeirus pelus debaxu‘l brazu.
La cousa yera muitu empurtante, purque si lus tinían nus subacus, que yera de sicano, cun mayor mutivu siría que lus tuvieran tamién nu outro tsau que tienen más abaxu ya que ía de rigadíau ya sumbríu, oh.
Nu pueblo miou vivía una muyerina muito viecha ya muito sempática, chamada Bibiana. Esta mucher cuando nus agüechaba xugandu a lus nenus ya las nenas xuntus ríase tou lu que quería ya más. Etsa yera muito picarona ya dábase cuenta escapau de tou lu que faíamus ya aldrumeirába-mus entre nos de las nenas.
Un dia tábamus xugando lus rapacinus al burru nu cabidru de la ilesia ya cerquina de nos taban tamién las guajas xugandu al cascayu ya saltandu a la comba cun una tsuria. De las dos nenas que daban a la tsuria, al tsevantar el brazucu una detsas dímus-nus cuenta que ya tinía tres u cuatro pilacus roxus, ya diximus-nus unus a outrus en secretu al uyíu: Rulindis ya tien pelus debaxu’l brazu.
Nese mesmu mumentu escumenzamus a riínus ya riblincar cumu bartolos. La viecha diuxe cuenta de lu que traíamos entre manus ya dixu: “Ay muninus, nun sabéis de la misa la media, si faloupa nu vatse, qué fairá nu munte”. Nusotrus cumu tábamus atuntaus del tou, de primeiras nun entendi-mus lu que dixera la mucher, peru unu que yera algu más mayorzucu que nos, ya un pouco más sinvergonzón tamién, dixu: “ Ay bartolos, tais atontaus dafeitu. Bibiana cun ese refrán quisu decire que si la nenaca ya tien pelusa debaxu’l brazu, tamién lus tien na quilica, oh; sois unus burricones inucentes. Nese mumentu, caí-mus de la burra, ya casi nus espatarra-mus tous de risa imaxinándu-nus ou tinía la pelambrera la rapacina.
Lu pior foi que la guaja diuxe cuenta que nus ríamus detsa,ya escumenzou a berrar que se esgazaba toda ya marchou churandu pa casa al trote, a tou meter. Al mumentu vienu pa onde nos la madre cuna guichada tsevantada ya dandu voces, que si nun curremos cumu corzos, miánicas, nus brea bien breaus, ya esu solu pur decire que la outra tinía pilacus nu fondu la bandouga.
La madre de la nenaca aquetsa curriunus bien currius a tous, pero a partir d’aquel día cuando agüechába-mus a la guaja sola cantábamus-tse: “Rulindes, cumu quieres que te cante la cancamusa, si debaxu'l umbligu tienes pilusa.”
Etsa vulvía a churar ya la madre outra vez detrás de nos cuna guichada u estadueñu tsevantau. Asína foi la cousa, hasta que, al poucu tiempu, salienun-nus a nos tamién lus pilacus nesa mesma parte que a la nena, ya nastoncias ya nun nus faían tanta gracia las pilusas de la Rulindes.
Etsa vulvía a churar ya la madre outra vez detrás de nos cuna guichada u estadueñu tsevantau. Asína foi la cousa, hasta que, al poucu tiempu, salienun-nus a nos tamién lus pilacus nesa mesma parte que a la nena, ya nastoncias ya nun nus faían tanta gracia las pilusas de la Rulindes.
“Jesusín”, el pelgar
8 comentarios:
¡Hombre, “Jesusín”!, por fin has dado nuevamente señales de vida. Menos mal. Tu relato juvenil, con cierto matiz erótico, parece muy oportuno y adecuado coincidiendo con la reciente noticia de prensa sobre las fotos de los desnudos de la americana. Pero me da la impresión de que no estás tan ocupado como sueles decir normalmente, pues al menos los diarios parece que sí los lees y relees; y en especial, los temas más chabacanos y “rosáceos”.
A propósito de los temas rosa, hace mucho que no nos cuentas nada de tu novia la Gúmer. Yo pienso que también deberías informarnos algo sobre tus andanzas amorosas; si es que las tienes. Como ya casi has hecho voto de silencio, y como solterón empedernido, igual has ampliado la promesa también al de castidad. Espero que no sea así.
Este Jesusín no tiene límites,es tremendo pero a mí ese nombre de Rolindes me suena,de verdad,bueno aunque no es un nombre muy corriente seguro que tiene que haber muchas Rolindes por el concejo Cangués,vale Jesusín si tienes tiempo y ganas asiste el día 24 a Corias y charlamos con tranquilidad,será un plácer conocerte y tenerte entre nosotros,podrías dedicarle al P.Basilio un comentario en este Asturianín que tú también dominas.Slds y Anímate.
El "Jesusín" gurgutó
y como Pelgar abrió
su óptima fuente de humor.
Además ha aluzado
algún ancestral vocablo,
para mí locución nueva
aún siendo de alta aldea.
Saludos
Fai poucu dixu esti rapazón que yera fichu de Gión el taxista, el que tinía el Bar Royalty de Cangas, frente a Curreus, que bien pudía you ir a la fulixa del día 24 cun etsus a Corias ya de pasu entamar un cuentín de lus mious pal humenaxe del flaire Basilio. You faía-lu cun muitu gustu pero nun puedu. Tous estus días andu arrincandu las patacas antes de que chueva pa que nun se me muechen na tierra, que luego gritsan escapau ya nun las triscan ni lus gurinus.
Ya tuve que escumenzar a sacá-las sin muitu xeitu, anantias de tiempu, pu la priesa que me metienun; debería asperar pu lu menus hasta mañena día 20 que entra el minguanti pa arrincalas, peru nun puedu purque díxu-me a mi loutru día un home que sabe muitu del tiempu, que cumu este branu hubu muitas briespas, esu quier decire que nu inviernu va faloupar muitu, ya ceu; siguru que pa lus Santus, pul uno de nuviembre, ya van caer buenas farrapadas, al menus pu lus altus. El puelo miou cumu ta al pía del picu Canietsas, encima de la nieve tamién xela escapau, ya xela tantu que caltriza-nus tou lu que nus cueche na tierra; hubu anus que lus nabus xeláron-me tous nel estaxu; nun valienun ni pal xabaril. En risumidas cuentas, que nun puedu asperar ni un día más sin arrincar dafeitu las patacas. Tamién tengo que pañar las caxinas de las fabas ya lus calabazones. Cúmu tarei de apurau, que nun dispongu ni siquiera de un ratau pa ir hasta’l chigre a echar un chanqueiru vinu.
Purque nun vaya you a la cumida esa que faeis tous lus anus lus rapaces de lus flairones nun pasa nada. El flaire Basilio ya you somus amigus oh; veiamus-nus muitas veces na casa del sou hirmano Secundinu candu iba you a comprar las cousas de comere ya sacar el billete del ALSA pa ir pa casa.
Cun Basiliu tuvía fai poucu que falei un ratucu cun él un día que baxara you a pur vinenu pa lus ratus, ya taba él delantre del cunventu las monxas que salía de dicí-tses misa a esas mucheres. Peru tú tranquilu rapaz, que el próximu día que nus xuntemus pur Cangas él ya you, voi cunvidá-lu bien cunvidau, ya di pasu felicítu-lo pu lus anus que tuvo nu cunventu dumandu xabardus, ya si quier cuentutse alguna hestoria de las que me pasá-nun a mi nus pocus anus que tuve you cun etsus. Lu pior ía que igual nun tse gustan muitu, purque you soi algu descarau ya trangallas.
Chusin, bienvenido al blog, estoy esperando esa llamada , cuando vengas a Oviedo al dentista, pa tomar un vinin o los que hagan falta. Si vas por Genestoso, da recuerdos de mí parte a los del Hotel a Mónica. Un Abrazo.
Jesusín sentimos no tenerte entre nosotros el día 24 pero para otro momento será,de todos modos tú no te preocupes el P.Basilio tiene mucho sentido del humor y si le cuentas un cuentiquín de esos tuyos seguro que le prestará mucho.JMMartínez ya ves como Jesusín te enseña palabras nuevas del Asturianín Cangués,esa misma palabra la pronunció el pregonero al final del pregón este año,estoy seguro que más de uno ni se enteró pero...para los cangueses esa palabrina se usa mucho,así que ya sabes siempre aprendiendo.Olga ya acertó el pueblo y nada más slds a todos y hasta otro ratín.
Esti rapaz de Cangas, Gión, miánicas ía apañau cumu naide. Qui nun se me pase datse las gracias que se las merez purque siempre ta cuntentu ya animosu. Da gustu cun este home. Hasta el probe quier que you vaya a la xarana de Corias ya que tse urde a Basiliu algún cuntapín. Ya digu you: peru rapaz, tú sos bono a bondo, peru cúmu voi a aldrumeira-tse algún cuntapín desus de lous mious al flaire, si you ía raru que fale algu que nun sea de las partes baxas de las mucheres; ya esas parulas nun puedu decítse-las a ese home que lu primeiru nun tse emportan, ya cumu ía muito rispituoso ya iducau dirá que digu picaus.
De faé-lu, tinía que entamá-tse’l cuentu sobre outras cousas de outru amiente: mesmamente, de lus xatus, de lus gurinus, u de la pirrina que tengu que se chama Prisca ya ía más lista que la fame. Peru esu a él nun tse entresa nada ya vusutros tampoucu.
Pudía hablatse de la Gúmer, pero nun debu faé-lu, purque esu a lus flairones nun tses gusta purque cumu you nun toi casau, nin piensu fae-lu pur agora, a etsus lu que you faigu cuna alemanona, nun tse chaman nuviazgu, cháman-tse muntón u revulquina.
Si you fora capaz de entamar versos tan guapus cumu lus de, Xusé Manuel, el mozu de Sierra, astoncias sí pudía faé-lu ya tar esfautau nese aspeutu.
El outru rapaz de Turón, Miguel Ángel, tamién me cuntestou ya paré que tien ganas de ve-me ya que lu chame cuandu te pur Uvieu. Peru digu-tse you: tú tranquilu amigu, qui tuvía nun pude ir oh. Andu tou furón ya esmetsau sin apenas caniles na boca pur falta de tiempu pa esguilá-me una mañena a la capital del Principau. Ya digu you pa mious adientrus, si me agüechara la Gúmer agora cumu tengu la boca, siguru que fuxía escopetada de mí; pensaría que más que fucicu lu que tengu ía un figu pasu o un fumión, de lu arrugau que ta sin caniles ni dentame. Siguru que nun querría beisá-me ni siquiera nel caretsón. ¡Cúmu tarei que, a la hora de xantar nun puedu tsampar más que caldu que te muy cuciu, tseite, ya vinu!. Lus curtezus de la fogaza del pan que me gustaban a murir, nun sei cuántu tiempu fae que nun triscu ningunu. ¡Ta unu feitu un peltrazón viechu, sulterón ya acabau dafeitu!
Chusin cuento con tú llamada cuando vengas al detista. Dieronme recuerdos pati una mocina que conoces mucho y que corteja con un rapaz que vino de Madrid y ahora vive en Cauxal (Cabojal) en Turón.-
Publicar un comentario