Agora que tinía un ratadín de fulganza, apruveitandu que acabei de cebar lus gurinus ya pechá-tses el currietsu pa que nun fucen baxu’l purtón, hasta que baxe a la corte pa mucir las vacas, puxe-me a agüechar un poucu’l blog este, ya you atsouquezcu cun tantas cousas nuevas que tien ya tantu que tseer. Miánicas que sí. Ya cun esu alon.
De fae un tiempu pacó nun pude andar esqueirandu nada nestus enredus del urdenador, purque tinía-lu tou envilurtau ya nun arrincaba. La nueite pasada chegou’n rapaz de Madrí, que ía amigu de la Rulindes, ya paré que sabe muitu de tous estus enredus. Queréis creer que na más dicítse-lu etsa, vienu a mía casa curriendu cumu’n rayu ya púxume-lu andar escapau, al mumentu. Nun sei que tse fixu, peru nun tardou apenas nada. Este rapaz ríiase al ve-me que you nun daba pía cun bola ya dixu-me: Jesusín, estu ía un poucu cumplicau pa lus que ya vais siendu algu mayurzones. Ya que razón tien este mozu.
Outru amiente, este rapazón de lus madriles digu que ía amigu de la Rulindes, peru pae-me que ía algu más que amigu purque notu-lu you que l'afalaga muitu, ya esu ía siñal de que a etsa tse gusta. Etsa, na más que él tse fae alguna muxiganga pu la cara, queda-se apaluminada cumu una potsa clueca agüechandu pa él, ya ríise. Nun me extraña nada. Son cousas de rapaces xóvenes.
Etsa ía una rapaza bien guapa, bien tsímpia ya bien trabachadora; ía la que fae tou na sua casa, asína la tien de urdenada ya reluciente cumu si fora un xaspe. Toi bien siguru que este rapaz, nun ía tontu non, pois sabe que nus madriles nun atoupa una muchere cumu ésta en toda la ridonda. Nas capetales las mucheres xóvenes son unas gandulonas ya unas fulgazanas; nun quieren más que andar tucandu’l tole pulas cafeterías ya pulus grandes almacenes; además, las rapacinas de güei, pa las casas de labranza ya pa lus pueblus, nun quieren vinire. Cháman-nus cuiteirus.
Cumu saliu a retsucir Madrí direi-vus que you de nenu tengu iu cun mia mai nus autucares de Gerardu de la Veiga’ltachu, que salían lus sábados de la Veiga de Cangas, frente a la Criolla. Iba-mus a vere al tíu miou que yera sirenu na Plaza de Legazpi. Naquetsus tiempos alcuerdu-me que mía mai cumprou-me un riló de pulsera na reluxería de Enrique Buxán que taba na calle Mayor ya yera muitu famosa. Tamién me tsevou a lus Almacenes Sepu, a Saldus Arias ya Galerías Preciados. Atsí foi onde you pur primeira ve tsevei una bona tsumbeirada nas demonios esas de las escaleras micánicas que esguilan solas na más pisá-las cumu si pisaras las gurrias de las vacas al parir. Naquel mumentu, enredánunse-me lus pías de tal manera, que quedei estirazau nu suelu tan tsargu cumu yera. Toda aquetsa xente que había atsí, ríenun-se de mí hasta fartá-se ya chamában-me paletu ya turpón. Purque una ve nel suelu you espatareixaba ya intentaba puné-me de pía ya nun pudía, yera muitu pior purque sigún se muvía aquetsa cousa qui nun tinía paradeiru; mi alma que you atsí envilurtau daquel xeitu paecía un pullín revulcánduse nu curral ganandu la cebada. Peru agora ya toi fartu de subí-me netsas, ya nun caigu, non; descuidai.
Falandu de lu de anantias de la Rulindes, si nun fora pu la diferencia de anus, esa nenaca yera la que me cunvenía a mí pa xuntá-me cun etsa. Minudu guapa ta. Ya de poucu tiempo pacó muitu mexor; púxu-se repotsuda ya espigada que da gustu ve-la. Peru etsa a mí vei-me cumu si fora sou pai, paré-tse que you soi muy viechu pa etsa. Ya tien toda la razón. Miánicas sacu-tse más de treinta anus. Si nun fora pur esu, you nun tinía nicesidá de andar guliendu ni tseirandu bragas pur fora del pueblu miou. Miánicas tinía-lu bien cerquina de la mia casa, bien fresquín ya bien a manu. Peru, nesas ficias ponte munín; lu que nun pode ser, nun pode ser. Que tse vamus a faer.
Cumu dixe anantias, you ya faía muitu tiempu que nun andaba esqueirandu aiquí nu blog este, pur esu güei alcuentru-lu muitu medrau. Pae-me a mí, que desde que tuve desarizandu las castañas, pur San Lucas en octubre, ya nun vulví a ve-lu. Tamién vi la chamada esa que fixisteis a tous lus pelgarones que agüechan el blog ya nun deixan rastru dalgunu. You purque nun me’nterei, sinon claru que faía lu que mandábais, anque solu fora garabatear el nome ya poucu más.
Direi-vus que este anu las castañas nun valinun pa nada: ni las de paré ni las rapucas de lus inxertus. Tan todas furonas ya cucosas. Cun dicí-vus que nun las quieren ni lus gurinus piquenus que tses gustan muitu. You échutse-las na bacita ya deixan-las todas, nun tses faen ni casu. Nos este anu, cumimus unas poucas gracias a que las tiníamus nu cunxelador del anu pasau, ya taban bárbaras oh. Sabían muitu bien. En mía casa ya van muitus anus que fae-mus lu de cunxelar unas muzadas detsas pa luegu cumé-las casi entrau’l branu, pur San Xuan en xuniu. Estu de cunxelar las castañas, a nos dixunus-lu un rapaz de Tsaciana u Páramo del Sil, que vienu a teitar cun tsousa un hórreu aiquí al pueblu fai unus cuantus anus. Cuandu nus lu dixu , tumámustse-lu a xirigonza; peru non, nun yera broma non, tinía toda la razón. Al esbichá-las fuera del sou mumentu paré que saben muitu mexor que nu propiu tiempu detsas ¡Saben a rusquillas! Si nun lo fixiste-is nunca, prubái-lu pal siguiente anu, ya viré-is que bien saben.
“Jesusín”, el pelgar
3 comentarios:
A ver, Jesusín, creo que ha llegado el momento de que te veamos el pelo y la faz también. Si te precias de ser un antiguo alumno de Corias como Dios manda, ahora tienes una oportunidad de oro para asistir a la comida de Urbiés y compartir mesa y mantel con parte de los blogueros. No nos digas que tus ocupaciones ganaderas te lo impiden. Supongo que esa amistad que tú tanto alardeas de mantener con la joven vecina que a ti te hace tilín, sí esa, esa, la Rolindes, será de la confianza suficiente como para que puedas pedirle que te atienda el ganao por un día. Vamos, digo yo. Si no puedes contar con ella para este pequeño favor, poco amigos sois entonces.
Alfredo ya te ha retado y está seguro de que no darás la cara. Sin embargo yo aún mantengo un poco de esperanza de verte por Casa Migio. Ten en cuenta que te estaremos esperando. Ánimo, que la distancia es corta y recuerda que serás bien recibido por todos nosotros.
La historieta que tú cuentas de las escaleras mecánicas, no sé si habrá sido cierta o no, pero yo sí he presenciado un caso exacto al que tú describes, pero de una persona mayor en unos grandes almacenes en Barcelona. Se trataba de una mujer de muchos años y se enredó de tal forma que si no llega a detenerse la escalera, no sé que habría pasado. La verdad es que todos los que lo presenciamos pasamos un buen susto y de gracia tuvo muy poca. En tu caso, si fue verdad, cambia el asunto pues al ser joven se defiende uno bien, y aunque “ganases un poco la cebada en el suelo” como hace el pollino, no te pasó nada. La señora que yo digo al levantarse no sabía dónde estaba, se había desorientado por completo debido a la caída, al susto y a las volteretas que dio rodando por los escalones. Pero el encargado del establecimiento se asustó tanto o más, que la propia víctima.
En cuanto a lo que apunta nuestro amigo “el tapado”, sobre la práctica de congelar las castañas, para comerlas fuera de época, diré que yo tengo un familiar que eso lo viene haciendo desde hace bastantes años. Prácticamente desde que se popularizaron los arcones refrigerados para conservar carnes, pescados y en general gran parte de la matanza. A “Jesusín” le faltó apuntar que las castañas antes de congelarlas se deben de pinchar o pellizcar, a efectos de que luego en el horno o tambor no exploten. Hay que tener en cuenta que una vez congeladas adquieren tal dureza que es casi imposible el hincarles un objeto punzante o cortante sin riesgo de cortarse. Otra advertencia es que hay que echarlas directamente al tambor u horno según se sacan del congelador; si se dejan descongelar antes de ponerlas al fuego, se ponen negras como el sobaco de un grillo. Pero tiene mucha razón “El Pelgar” cuando dice que están muy ricas las castañas asadas comidas fuera de época. Es cierto y puedo dar fe de ello.
Publicar un comentario