Cumu vus dixe estus días d’atrás you taba tou escaldeirau ya engulismau pinsandu na chegada de la mía Gúmer ya fíxuse-me augua tou. La probe Gúmer tuvo un gran cuntratiempu home, cayú mala sin aspera-lu ya desti xeitu nun pode puné-se en viaxe. Agora que you ya taba qui nun cabía dientru de mí pinsandu nu que iba a presumire cuna mía Gúmer, ya chanfloutse-me tou. La virdá ía que toi muitu amurniau ende que me dixu que nun pudía vinire. Etsa siguru que taría isperandu que tse dixera you que si nun pode etsa vinire que iría you a ve-la. Peru agora mesmo, you nun puedu mové-me del caserío. Faigu aiquí muita falta ho. Si marchara you, las vacas fartariántse de bramar de fame. Ya lus gochus de gruñir chambiendu la bacita vacía, ya de fuzar nu curriechu ¡Válgame Santisón! Uirian-tse lus bramius ya gruñíus hasta’n Retuertas.
La probe Gúmer cumu ía tan gulutrona, ya taba tan cuntenta pur venire a Cangas a ve-me, que pa cenar fartou-tse cumu una burra de patacas cun salsa picante desas qui lus canarius chaman “papa arrugá con mojo picón” ya durante la nueite diutse un turzón tan forte cumu si fora a parir; miánicas que pur poucu la tsevan lus diantres. Díxu-me que tse ruxían las tripas ya tinía tales riturzones de bandouga que s’acordaba de min ya de toda la mía familia purque you foi el que tse dixe que esas patacas picantes taban muitu bonas. Ya ía virdá, a mín gústan-me muitu ya nunca me fixé-nun mal. Aparte de las arrugás, you cando toi pur Madrí pu la calle La Cruz , sempre pidu patacas bravas cun una xarra de Valdepeñas. Peru etsa pasou-tse gumitandu toda la nueite ya tou’l día siguiente la prubina. Pur si fora poucu, espués destu pasuotse pa baxu la floxera ya nun tinía paraderu de la cama al ritrete. Güei díxu-me que enflacara tres kilus pu lu menus cuna dichosa cagalera que tse’ntrou. Agora ta tumandu infusiones de Zirigüeña ya de Xanzaina cun xugu de limón ya arroz blancu pa ver si tse para la floxera y’atasca un poucu lus baxus.
You, cunu cuntentu que taba. Que ya tinía tou priparau. Agora tengu que chamar al rapaz esi de la casa rural pa decitse que anule la riserva que nun pudemus ire. Mía amiga María dixu-me que candu chegara la alemana ya tse la presentara, iba a prepará-nus frixuelus cun chuculati pa lus tres pa datse la bienvenida a la Gúmer. Maríala Gúmer quiría cunucer cumu yeran pur dientru las casas rurales, las que aiquí chámanse casas de aldea. Ya la virdá ía que ta bien puestu el nome, purque ía lu que son: casinas de puelu rimuzadas, muitu guapinas.
Algunus farfotsas de lus vicinus mious del puelu ya dixé-nun que agora you dicía que nun pudia vinire purque yera tou mintira que nun tinía novia ninguna, que yeran imaxinaciones mías. Dixe you: mintira, si mintira. Ya viréis el día que venga, va entrá-vus el mal de la baba farxolus; vais queda-vus apaxaraus del tou tulondrus, que nun sois más tolos purque nun vus entrenáis. Coño, diu-me muita rabia que dixeran esu de min. You soy un pelgar ya un malandrín, esu ricunozcu-lu, peru mintirosu y’aldrumeirón nunca lu foi ni lu seréi, ho.
Asina, pa güei, ya nun vus cuentu más cousas purque toi aburriu ya entristeciu sin la mía Gúmer. Ya luegu dicía you loutru día, que casi agradecía que nun viniera. Agora mesmu echu-la bien de menus. Mi alma que sí. You que pinsaba faer cuna Gúmer, lu mesmu que faen lus moscus del ritrato. ¡Tamus apañaus!
"Jesusín", el pelgar
8 comentarios:
Nuestro amigo “Jesusín” ha sido catalogado y elogiado poéticamente por José Manuel como ”Sancho Chanza”, y la verdad es que, el pelgar, dentro de que no presenta demasiados hábitos que sean dignos de imitación, sí se puede destacar de él la admiración que siente por las mujeres en general, pues siempre las pondera y admira a pesar de lo tosco y rudo que aparenta ser. Últimamente, parece que no está muy exitoso con su vida amorosa, le pasa como a Clodomiro el de la canción, ya que las circunstancias actuales le han negado los soñados apareamientos primaverales que tenía en mente. De momento, aunque diga estar muy atareado con los trabajos del campo, no debe ser cierto ya que se pasa muchos ratos observando a los insectos y tomando nota de sus conexiones; esperemos que sus sueños eróticos para poder llevarlos a la realidad no tenga que aplazarlos tanto que le lleguen los calores estivales los cuales todos sabemos que a cierta edad, pueden llegar a ser condicionantes poco favorables para las labores de coyuntura.
En contraposición a lo dicho sobre este personaje, yo también diría que el tal “Jesusín”, no denota ser en absoluto para nada misógino, pero le noto que debe de ser poco independiente y un buen “mandilón” en toda la extensión de la palabra. Por eso anda todo el día al rabo de las mujeres con fines principalmente “chafarderos”, y para que le preparen el caldo y le higienicen la “cotra” de la ropa. ¡Menudo folgazán debe de estar hecho!
¡Cagu nus sapus de cría! Lu que hai que aguantar. You sabía qui lus del ríu Rengus yeran algu espabilaus y’atrevius, peru nun tantu ho. Esti rapaz qui diz qui you soi un mandilón, nun debe saber bien lu que ía esu parula. Mi alma que nun me gustou nada que dixera esu de min. Gustaría-me sabere si sería capaz de decíme-lu na cara. You andu cunas mucheres purque ía cunas que mexor m’entiendu. Anantias cuandu yera guaje nun tinía outru rumediu purque sempre foi ruinucu ya un poucu engaramichu; ya agora que soi ya un home feitu i dereitu cun más mutivus ho. A mín si nun mi gustara tar cunas mucheres taría pu’l barriu esi de Madrí que tse chaman Chueca. Nese sitiu andan xuntus tous lus xulandrones ya xulandronas desti país, peru you por agora prefieru tar cunas mucheres ho, ya cuna mía Gúmer sobre tou. You, nese aspeutu, faigu lu mesmo que Berlusconi.
Tamién diz esti Galán que you toi muitu de sobra purque andu retratandu lus moscos candu tan faendu lu que tienen que faer. Ya nun ía virdá. You nun tengu tiempu pa nada, ni pa mexar agustu. El retratu esi de lus moscus fixu-lu unu de lus subrinacus mious que anda tou’l día detrás de lus bichus cuna máquina de retratrar, desas dixitales que tienen agora. Miánicas que tien muntunes de ritratus que va xuntandu, ya algunus muitu guapus, peru si lus pungu aiquí, siguru que algunus de vusutros s’esnalazarían tous escandalizaus ya que la mayoría detsas tratan de la monta del toro, del borrón , del gatsón, de lus cunexus, ya tamién la tien de lus gurriones qui esus sí que furrulan, muitu más que’l gatsón, tan toul día dale que te pego encima de la páxara. Nun faen outra cousa más que cumer ya lu outru, Faen bien, pa qué lu quieren; de lu detsos gastan
Vulviendu a lu que dixu anantias esti rapaz, direi-vus que cumu sigáis asina, puniéndu-me motes ya diciendu cousas de min qui nun son virdá voi tiner que dexar de garabatear aiquí nesti blog. Anque, daría-vus lu mesmu. Pal casu que me faeis. Peru este rapazón del ríu Rengus, que anda pur León sigún me dixu una vicina, que tenga cuidau cunu qui diz purque si you digu una cousa que sei del, de candu tuvu cunus flairones, siguru qui nun tse va gustar. You cuncidí poucu tiempu cunel atsí, peru sei pur outrus que taba feitu un bon lebrel.
Chusin creo que tienes conociminento de la "convencion" que vamos a celebrar en Villamanin el próximo 7 de mayo.Podía ser interesante que asistieras y de esta forma hacer tú presentación oficial.¿Te parece bien?.-
¡Vaya, vaya! Parece que se nos ha picado el señor “pelgar”. Yo no he dicho ninguna cosa diferente a lo que cualquiera pudiera deducir a la vista de lo que él nos cuenta en este blog. La palabra mandilón la recoge perfectamente el DRAE y dice así: hombre de poco espíritu y cobarde. En cuanto a lo primero no lo puedo afirmar del todo en este caso, pero en lo de cobarde creo que está claro y demostrado. Las opiniones y las críticas se exponen a cara descubierta y no amparándose bajo un seudónimo. De todas formas, si el tapado considera que la acepción coloquial de la palabra “mandilón” no se ajusta a su persona, la retiro y le pido disculpas.
Si ho, claru que toi enterau de que vais a xuntá-vus pa xantar ya fartá-vus bien en Villamanín. Paré-me muitu bien, anque a muitus de vusotros siguru que nun vus cunozcu, u nun macuerdo de cúmu yeráis de pequenus candu tábais en Corias. You diba encantau si viniera la Gúmer peru nun ía pusible. Si viniera esta muchere íbais a pasá-lu bien cun etsa ya cumigu, peru pur esta ve nun pode ser. Ya sientu-lu bien, miánicas que sí. Pa outra ve será. Pa min estas fulixas si foran en Cangas u Tsimés sí pudría faer una escapada ya ir, peru tiniendu que pasar el puertu nun puedu. Las ubligaciones nun me dexan. De todas formas, muitas gracias pur acurdá-se de min, ho.
Miou neno guapo, coño! Nun faigas casu a estos humecones, que nun fan mas que metese cuntigo, nun lo ves? Tú cúntanos detchas cousas que fan los moscos ya las sapagueras ya los bichos esos. A ver si apriendemos algo nuovo. A los anos nuostros tenemos que investigare pa aprendere. Piensamos que lo sabemos todo, ya nun ia verdá.
Esos moscos arimaos por detrás, ¿nun serán una parexa desas mudernas que se ven agora? Qué te diz el subrinaco? Tién dalguna tuya, oh? Piscóute a ti dalguna vez pur eí detrás del abalao, faciendo algo?
A tú...! ya lo de la moza esa, al final que foi? Nun sería que se bañóu sin acabar de facé la digestión? Ya que pasais muito eso a los que nun son deiqui. Miétense nel agua asi, en plena digestión, ya luogo pasan esas cousas. Pur si acaso, avísala, que nun lo vuolva a facere.
A estas horas, supongo que ya tará bien. Tengo you un amigo que trabaya nuna axencia desas de viaxes ya igual puode cambiatchi los bitchetes del barco que tenía. Di que me los mande, a ver qué i puodo facer. Digo you de cambialos pal carmen, ou anantias, si te paez. Pareme que todus tenemos grandes ganas de vela, ho.
Hala! Ya me cuntarás
Pelgarín o Pelgarón,
todo está en clave de humor,
no te piques, no te rayes,
ni caigas en "babayaes"
de amenazas personales.
Si ese camino inicias,
sin tener derecho a ello,
debemos quitarte albricias
y desmontarte de bloguero.
Todos debemos jugar,
con la carta sin la marca,
y no te debes amparar,
en subrepticia y solapa
y si a otros pides recato
salte de tu anonimato.
Ah rapaces, despois del rifirrafe que tuve you cunu prior de Rengus pur ser éste un tsinguarón, digu-vus que toi cuntentu. Pu lu menus fixestes-me algu de casu yal rapaz esi del partiu Sierra, paeme que yera de Rañeces de Sierra, que ía buen engaramichador de rimas, vaya bien que la’ntamou. Gustou-me muitu lu que dixu de min, anque tamién me da un ripasu. Peru la virdá ia que nun debu queixa-me, pois el bloguero prior tamién foi curretu ya que diutse cuenta que se pasara un poucu al chamá-me esa parula tan fea cumu “mandilón”. Tou este belén cuntéitse-lu a la Gúmer ya espatarrábatse de risa la muitu gandulona. Lu que me amolou bastante foi que la caraxu detsa, nun me dixu ni que lu yera, ni que non. Atsá etsa, qui piense lu que quiera.
Pul mumento, turnamos tous a la nurmalidá ya cumu si nun pasara nada ho. En cantu poda voi cuntá-vus alguna hestorieta más. Ubservu que las rapazas nun gurgutan aiquí nu blog; cumu toi cuntandu cousas algu verdes, se ve que a etsa datses vergoña. Pois nun vus dé muminas, Que ían las cousas más naturales del mundu. Además ya sabéis que lu de la “xudienda, nun tien enmienda”, pasa cunus bichus ya cun nos más tuvía
Publicar un comentario