A prupósitu destu de la Navidá voi decí-vus que nus anus cincuenta, del siglu pasau, nun yeran las cousas cumu son agora. Nus pueblus nun farfutsaba-mus pur estas fechas, estu que se diz agora de filiz Navidá; non, quiá. Nos, nu miou pueblu, la nueiti de Navidá diciamus-nus lus unus a lus outrus un poucu anantias de ir a cenare: “a pasare bona nueite”.
You de piquenu alcuerdu-me de agüechar na ilesia, tal día cumu güei, el ramu de Navidá que lu cantarruxeaban la mozas del tsugar. Taba feitu de madera ya tinía xeitu de triángulu clavau al fenal de un fusu de palu tsargu que se mantinía de pía apuyau nun trangalazu de palitroques amañaus a xeitu de peana. Lus tsaus del triángulo taban furaus ya tsenus de velas pa atsumar. Pu lus custaus tsevaban culgadichus de cintas de culores, caramelos, tsambeus, ya rusquillus feitus nu fornu de casa. Na misa’l gatsu de las doce de la nueite de la Navidá, las rapazas cantaban el ramu ya vitsancicus xuntu a la cunina’l nenu cun pandeirus ya castañuelas.
Agora estu del ramu paré que nalgunus tsugares quieren reputsecé-lu ya vulvere a puné-lu de moda. You tengu amestades pur Tsaciana cunus tratantes que vienen a cumprá-me lus xatus, ya dixenun-me el anu pasau que agora escumienzan a fae-lu de novu. Esu ta muitu bien. Purque, agora la xente crei que cun punere el sardón u pinu na sulana de casa, u nu curredor del hórriu, tou tsenu de bulichus de culores ya bumbillucos desus que s’apagan ya atsuman solus a cada poucu, paré-tses que ta tou feitu. Pero esu nun ía una custume nuesa; esu ía propiu de lus países nórdicus; ya dallí foi traíu.
Na nuesa casa tous lus anus, pa la nueite de tal día cumu güei tinía-mus priparau un buen gatsón que lu criaba mía mai de un anu pal outru. Había anus que tinía unus espulunes tsargus ya afilaus cumu aguichones. Ya durante’l anu tamién iba guardandu las mexores manzanas, ablanas, nueces ya castañas pa la Navidá. Esa nueti cinábamus pitu cun arroz ya espués pitu guisau cun tumate ya cun unas pataquinas ridondas fritas que sabían cumu dios, purque, espués de fritas, mía mai mitía-las un pouquinín nu fornu la cucina cuandu taba bien arrouxau.
De postre cumpota feita cun peronas duna peral que tiníamus muitu viecha que cargaba abondu tous lus anus, ya espués un pouquinín de turrón del duru ya outru poucu del blandu, ya’lgún pulvurón que outru. Astoncias al turrón duru ya blandu, chamábamus-tse, turrón de Alecante ya de Xixona. Pasaus lus anus escumenzá-mus a tiner tamién aquetsas fegurinas de anemales, estretsas ya campaninus de mazapán que taban muitu bonas.
A mín gustaban-me muitu las peladichas ya las uvas pasas. Tuvía las sigu cumiendu tous lus anus. Outru tsambeu destus días, que caía-me la babacha cuandu lus tsapaba , yeran lus figus pasus. Gustan-me muitu. Ía el día de güei que me retsambu cun etsus a minudu. Ya pa rematare la nueite un pouquinín de sidra del Gaiteiru que sabe muitu bien, ya cumu tien poucu alcol, si tsapas muita, al fenal solu te pon cuntentu, peru sin tsegar a tar chispu da feitu. Miuo pai esa nueite punía-se cumu una xoxa, peru yera debiu a las copas que tumaba de Sol ya Sulombra pa rimate de la nueite, feitas cun cuñá Fundador y’anís de la Asturiana, xuntu a bonus putseiraus de café negru. Asina taba luegu de gallasperu.
Na mia casina cumíamus el turrón la nueiti de Navidá, yal día de Navidá, peru escapau mía mai pechába-lu baxu chave pa que nun se lu esqueirára-mus lus nenus, hasta’l día de finde anu ya Anu Nuevu. Tamién había que deixar algu pal día de lus Reis que ya se terminaba tou este xareu de la Navidá.
Agora cumu hai muitu de tou a esgaya, hai anus que tsega’l Carnaval ya tuvía andan rudandu a trompicones lus dichosus pulvurones pu lus caxones de la mesa la cucina, ya nadie lus quier. Astoncias, naquetsus anus de posguerra, nun subraba de nada. Tou lu cuntrariu, taba tou bien escasu: asina sabía de bien. Agora tamus fartus a reventare de tou, pur esu nus fai la mesma ilusión la Navidá que’l Antroiru.
¡Rapaces YA RAPAZAS: a pasare bona nueite!
“Jesusín”, el pelgar
2 comentarios:
Lo que comenta el amigo ”Jesusín” sobre el ramo de Navidad, yo puedo dar fe de lo mismo; con lo cual deduzco que este camuflado amigo, un tanto Pelgar, debe de tener una edad aparente a la mía. Siendo yo niño en Posada de Rengos se cantaba el ramo el día de Nochebuena durante la misa del gallo tal como él dice y a cargo de las mozas de la parroquia. Lo de que en Laciana vuelven a practicar estas tradiciones, también es cierto. Yo diría que no solo en Laciana, sino en toda Castilla y León. Ya llevamos unos años que en León capital se venden estos ramos de madera de forma triangular en muchos sitios. Yo los he visto colocados repletos de adornos y dulces, en varios restaurantes y en bares de copas supliendo al árbol de Navidad. Parece que la gente quiere volver a rejuvenecer ciertas tradiciones que estaban olvidadas desde los años cincuenta.
Pues, como dice “Jesusín”, vamos a seguir la tradición de su pueblo y diremos: A pasare bona Nueite.
“Jesusín”, a mí me ha surgido una duda leyendo tu entrada sobre “la Navidá”, y es que, viendo la descripción que nos haces de los gallos que comíais en vuestra casa por esas fechas siendo tú niño, yo me pregunto si en vez de pollos de corral, ¿no serían gallos de pelea los que os trincabais? Pues según nos detallas esas raras aves domésticas a las cuales rebanabais el pescuezo, da la sensación de que en vez de espolones más bien tuvieran auténticos estiletes para derribo y anulación total del contrario, como tienen los gallos mexicanos que se enfrentan entre sí ante corros de gente que proporcionan jugosas apuestas.
Publicar un comentario