EL CEPU TSOBERU

Esta mañena na más tsevantá-me, sintí-mi esfautau ya puxi-me cuntentu y’alietsu, solu cun  tseer lu que me dixu Milio Ramón nu blog,  ya agora pu la tardiquina tamién  vi que José Manuel diz-me cousas guapas. Pu lu menus sei que tengu  quien m’ayude nestu d’enfrentá-me al xabaril del tsombu pintarraxau, purque cada día que pasa tengu-tse más mieu. Minudu  enredu me truxu  a min esta muchere, la Gúmer.  Miánicas, cuántu más me  valía apuntá-me al  celibatu esi, cumu lu que faen  lus flairones;  buenu lus que lu guardan, que ya sabé-mus que tous nun lu rispetan. You nun sei cumu m’arreglu que sempre toi mitiu en líus ya trangalladas. Nun salgu duna, métu-me noutra.

De lu que me ricumienda esti rapaz de la marina, pa tsibrá-me del xabaril esi, gustou-me muitu lu de  punetse un cepu  o una garduñera grandona p’apañar  este anemal. Ya, téngu-lus you  na budega de casa, de lus anus que hubu muitus tsobus. Pu lu menus, hai un par detsus que nus las fixera’l ferreiru, bien fortes  ya muitu bonos cumu el del ritratu. Lu que pasa ía que tengu mieu nun vaya a caer algunu del puelu primeiru, ya luego me tomen a min pur un tsoucu desus  que agora hay pu las capitales ya que lus entendius nesas cousas tses chaman psicópatas. Peru la idega nun ía mala non, ni pa espreciar tampoucu.

Si, Rulindes, la rapaza del bar quisiera culaburar cumigu, pasoutse-me pu la chola’l outru día, que tamién pudíamus echatse nu vasu la cerveza  un poucu de esternina de la que tinemus pa lus tsobus. Anque, pa que le fixera efeuto a esti cachu xatu, habría que echatse un bon muntón pois según ía l’animal asina tien que ser la ración. Habría que punetse pu lu menus la lata de echar la farina a la tsabaza de lus gochus  chena, peru non nel vasu la cerveza, mexor nuna  duerna grande, u na bacita lus gochus.

Tamién pinsei en  axustá-lu bien, metetse nu cuerpu tal canguelu que nun tse chegara la ruoupa al piyexu. Debía enterá-me que ía lu que  tses da tserza a lus alemanes, y’atacá-lu  pur ahí. Nun sei si son superticiosus u non, purque si lu foran  esi sería un bon xeitu pa  acubardá-lu y’arrincuná-lu. Despois tamién pinsei que, si vineira él solu, al baxase del coche, puníatse un maniegu pu la cabeza ya cun outru que m’ayudara fartaba-mus-lo a estacazus hasta partitse las custietsas. Nesi casu nun hay que dixá-lu ribuxir purque si nun lu rimatu a la primeira, astoncias toi pirdiu, mátame él de un puñetazo. Minudu xabardu ta feitu.

Pinsándu-lu bien creu que ya tengu la solución pa puder echai las zarpas. Necesitu engatusar  a la  chigrera pa que se ponga de parte mía ya que acete  echatse un puñau de polvos de evacuol na cerveza. Asina  candu tse entre la floxera mandámus-lu pa la corte a desucoupar  ya una ve que te dientru,  pichamus las portas ya luegu a uscuras fartámus-lu a guichadazus hasta deixá-lu más  mansu que un curdeirín.  Ya candu té domau, dicímustse que si vuelve pul puelu que tse faemus cumu a lus gurinus cando son piquenus. Chamamus al capador ya capámus-lu. Diciendu-tse estu ya verás cumu nun tse quedan ganas de vulvere.

A tou estu, la tunanta de la Gúmer nun vulviu a dicí-me nin parula más. Paré que fuxera pa casa’l demoniu. A nueite chamei´la you outra ve pur teléfano,  peru tinía el móvil apagau. Esta muchere tien tanta tserza cumu you o más al mata la osa esi que tuvo pur maridu. Pae-me a min que nun se ve tsibre del, ni faciendu-tse  la’stética, viendu cumu ía de bravu ya de cilosu  ese humecón.

De todas las maneiras tengu que siguir pinsandu cúmu faeréi pa tsibrá-me deste xabaril. Pur si me falla algu de lu que tengu pinsau, tiner repuestu. Si se vus ucurren outras cousas pa espantar a este gurinón, faer el favor de decími-las ¡coño! Tenéis que puné-vus na mía situación. Di virdá, toi muitu apurau.

"Jesusín", el pelgar

YOU DESTA NUN SALGU VIVU. YA CUN ESU ALÓN

En primer tsugar direi-vus quel tsombu este que se ve nel ritratu ía el del cafre del ex de la Gúmer. Cumu pa nun tiné-le noxu ya fuxir curriendu na más ve-lu venire.

Muitus de lus parruquianus del blog sei que vus reís tou lu que queréis ya más de min, peru la cousa tien pouca broma muninus. Esta mesma mañena taba you na currada gadañandu ceba pa cucher un brazau pa lus xatus piquenus, candu vi que parou un autulodre grande, cun matrícula de culor marietsu, xustu a la altura del purtón de lus vicinus nuesus, ya paeciu-me uyir que priguntaban pu la casa de los “Arrincanabus”, que asina ía cumu se cunoz la nuesa casa nu puelu ya en tou’l riu. Esto ía un mote que vien d’antiguo pur un tatarabuelu miou que arrincaba lus nabus nus lindeirus de lus estaxus de tous lus vicinus purque dicía que etsus mitían-tse cunu aladru na sua tierra al tsabrar. Ya cun estas cousas de lus puelus pur culpa d’aquel home, que yera un aguanón que nun se vía fartu de tierras ya más tierras, agora tous lus homes que nacé-mus na familia ya chegá-mus al mundu cunu macharmu puestu: somus lus arrincanabus pa toda la vida. Nesu, las mucheres de la casa tuvienun más suerte; a etsas nun se lu chaman. Peru poucu más da. A etsas suelen decitses las floxas; estu dicintse-lu pu lu esfardeladas ya barbeitonas que yeran unas mucheres, madre ya ficha, que hubu tamién nesta casa, fai muitus anus, casi na antigüedá.

Menus mal que na casa de lus vicinus, la de Xuacón, taba solu un nenacu piquenu qui ía afichau de la muchere viecha, ya este guaje cumu vive en Guarrumán en Jaén, onde faen esus hoxaldres de cabello d’Ángel tan ricus, nun cunoz apenas a nadie aiquí, ni sabe nada de las cousas del puelu, ya cuntestou-tses que nun lus cunucía, nin s’alcurdaba de velus. Tuve muita suerte. Fettivamente.

Estus extranxeirus que vinian dientru del trastón aquel de coche yeran tous xente xoven: homes ya mucheres. You nun lus ví bien, peru paeciu-me que’ntre tous etsus nun taba el curnal del xabaril. Siguru questus milandrinus vinían pur delantre, d’acó pa acutsó mandaus pur él pa investigar bien tou, ya asina luego la fiera ya pode vinire a vareixá-me bien, a tiru feitu.

You tamién pudía dicitse-lu a lus vicinos pa que nun me discubrieran candu pregunten pur min, peru da-me riparu ya vergoña nun vayan a pinsar pa sous adientrus que you soi un merdeiru ya un cagau. Prifieru catsá-lu ya curre’l riesgu de que m’atoupe esti porcu bravu d’estibador.

Candu salgu pal prau a faer algu, si chueve pongu-me un sacu pu la cabeza a modu de capietsu u capucha, pa nun muchá-me ya cumu ía grandón cúbre-me toda la testa que casi nun se me ve ni la caretsona. D'agora na delantre voi puné-lu sempre que salga pa la currada, y’asina puedu camuflá-me si tengu la desgracia de que este anemal diera cuna mía casa. You si lu veu al pía miou, xebru del cumu si viera’l tsobu. Mi alma que sí.

Lu que sí fixe, foi dicitse a la del chigri que tuviera cerveza bastanti na fresquera pur si chegaran estus homes cunu cafre pa que beban hasta fartatse bien, a ver si se ponen cumu xoxas y’asina puedu you fuxir detsus sin piligru algunu.

Tamién penséi en decí-tse a la moza del chigrucu este del puelu que si preguntaban pur min que dixera que taba n’Argentina pa un anu o dous pu lu menus. Peru esta rapaza ía tuvía xoven ya muitu alietsa, igual puedo you rascar algu ahí, chegau’l mumentu, ya fastidia-me que etsa sepa destas trangalladas mías u que piense de min que soi un cubarde ya un cagau.

A lus subrinacus mious, esus nin numbrá-lus, a esus nun tses digu ni parula. Esu sería lu que etsus querrían pa rei-se bien de min viendu-me currer camín abaxu tou esnalazau delantre del xabaril curnudu.

Cumu tais viendu nun puedu ni trabachar a gusto ni tranquilu, nun me dexan parar. Fae un ratucu tuve falandu’n pouquinín cuna vicina ya díxu-me, ah Jesusìn, nótu-tse la cara muitu pálida ¿tas malu?; non, cuntestei-tse you. Ía debiu a que fixenun-me mal las papas ya unus papadinus de tseite qui almurcei pu la mañena. Mexor dichu nun yera tseite, yeran lus culiestrus de la Garbosa que pariu fai poucu ya tuvía nun se secou. Da muitus más de lus que pode mama’l xatu. Hai xente que diz que lus culiestrus nun debe-mus cunsumí-lus las pirsonas, peru esu ía una gran mintira. En mía casa sempre lus cumí-mus la xente, toda la vida, hasta postres fae mía madre cun etsus. Si a lus xatinus vientses muitu bien el tumá-lus, subre tou pa la barriga, pa nos lu mesmu. Tutal, qué diferencia hai entre las tripas detsus ya las nuesas.

Tamien se me pasou pu la testa, si sigue detrás de min este gualdrapón esventrau, de chamar a un rapaz que tuvu cumigu na mili, en Regulares 5, en Melilla, que ese ía bragau del tou, ya entre lus dous aspera-lu pu la nueite candu te bien fartu de cerveza ya partitse el tsombo a estacazus al curnal ese “matalaosa”, u arriá-tse unus buenus trumpazus ya murradas. Peru estu nun me gusta muitu purque paeme que ía poucu valiente, anque you solu nun puedu enfrenta-me a semexante bestia parda, purque come-me vivu. Algu tengu que faer. Ya lu pensarei mexor, más espaciu. Purque este tulondrón nun me va complicar a min la vida, pur muitu furaxas que sea ho.

PD. Ah, ulvidábase-me deci-tse al blugueiru prior que gustou-me muitu el pensamiento filusóficu 2, que puxu fae poucu nu blog. ¡Qué gran virdá ía! You rialmente, nun sei si pertenezcu al grupo primeiru, u al sigundu. Da lu mesmu. Peru lu que sí sei, ía que, en unu de lus dous casus, toi incluiu. Prubablemente, sea nel sigundu.

Tamién debu agradecetse a esti rapaz la defensa que fixu aiquí de lus mious cuntapinus. Muitas gracias, ho.

“Jesusín”, el pelgar

Un Sí muy grande, para “Jesusín”. Con seudónimo, sin seudónimo, o como a él le dé la gana.

Estoy comprobando últimamente que las colaboraciones en el blog del tal “Jesusín” cada día que pasa son mucho más frecuentes que antes; a veces, casi diarias, y con bastante chispa la mayoría de ellas. Sin embargo no veo respuesta ni reconocimiento por parte de los lectores, salvo raras excepciones. Este comportamiento me tiene un tanto confundido y desorientado pues, yo considero que la mayoría de estas inocentes historietas aportadas por este amigo, bien debieran ser del gusto de casi todos nosotros pues con esa intención seguro que son pensadas y escritas. Sin embargo, la respuesta es totalmente indiferente y la mayoría de la veces ni eso, nula.

No comprendo bien esta apatía y desprecio por parte de los lectores hacia el trabajo de alguien que, de forma aficionada, como lo hacemos todos, lo único que intenta es divertir y entretener a los demás. Será porque algunos lectores les parece que el tal “Jesusín” dice las cosas claras, como las piensa, a lo bruto sin tapujos, y si manifiestan que son de su agrado corren el riesgo de que alguien les pueda encasillar como ordinarios o vulgares. No lo sé. Espero que esto no sea así.

Pero me tiene un tanto desconcertado este anómalo y desagradecido comportamiento por parte de una gran mayoría de los visitantes del blog. Yo confieso públicamente y sin recato alguno, que soy un admirador incondicional del tal “Jesusín”, y que me encantan sus relatos. A veces, más o menos zafios como es la vida misma y como también somos los humanos, pero siempre contados de forma simpática y divertida. Nunca ofensiva ni comprometida. Eso quiero que quede muy claro, al menos por mi parte.

Probablemente yo sea tan elemental, o básico, como dicen los modernos, como el autor cuestionado; no lo discuto ni lo pongo en duda; pero no tengo rubor ninguno en declarar que me siento totalmente orgulloso de que me gusten y de que me hagan gracia este tipo de narraciones tal como él nos las cuenta.

Me parece mezquina y falaz la postura por parte de los lectores del blog que utilizan el desprecio como respuesta al esfuerzo y trabajo altruista de otro compañero. Cuánto más, dada la falta de colaboración que tenemos. Por eso mismo, cuando se da el caso como es el de “Jesusín”, que lo hace de forma amena y abundante, que no sea ni reconocido, ni mencionado por la mayoría de visitantes y colaboradores de este blog.

Tengo la impresión de que una gran parte del personal sí disfruta y se ríe con los relatos de este hombre, pero están callados como mudos, no vaya a ser que se les tache de horteras, ordinarios o vulgares si dicen que les hacen gracia sus historias. Creo yo que, con los años que arrastramos encima, ya es tiempo de ir dejando de lado ese pesado lastre de hipocresía heredada que todos llevamos encima y nos mostremos tal como somos en realidad.

Lo natural y genuino nunca puede ofender a nadie y cuando es expuesto de forma divertida, mucho menos. Y si se hace con toda la mejor intención del mundo, con más motivo. El que no lo entienda así, mal intérprete es.

Tengamos en cuenta que las aportaciones que recibe el blog por parte de los visitantes son contadas y ocasionales. Por lo tanto, cuando aparece un mirlo blanco como es el caso del tal “Jesusín”, que lo hace de forma prolífica, amena y desinteresada, bien debiéramos ser un poco más receptivos y agradecidos con alguien que al menos dedica un montón de sus horas libres en intentar entretener y distraer al resto. No digo que se le aplauda cuando no lo merece, pero por lo menos que se le tenga en cuenta, que se le critique lo que sea de criticar, que ya es algo. Lo peor de todo es el desprecio y el pasotismo. Ya lo dice el refrán: “no hay mayor desprecio que no hacer aprecio.”

Fijaros si debiera ser reconocido por nuestra parte este hombre, cuando todos sabemos que este blog lleva más de cuarenta mil visitas, desde septiembre de 2010 hasta la fecha, y apenas cuatro o cinco amigos son capaces de plasmar aquí media docena de renglones escritos, de vez en cuando.


B. G. G. (bloguero prior)

EL FRAILE MISTERIOSO

A los 14 años ingresó en la orden Dominicana en Venecia. Obtuvo altos cargos en la orden y en la Iglesia.El año 1.303 fue muy importante en su vida, murió en 1.304. San Malaquías se refiere a este Dominico en sus profecías. Adjuntamos una fotografía de un puente del año 62 antes de Cristo, el cual se encuentra en una ciudad muy importante para nuestro personaje. Creo que en esta ocasión lo dejo muy fácil.-


                                         ¿DE QUÉ FRAILE HABLAMOS?

LA GÚMER TIEN TSERZA, YA YOU MÁS

Hola rapaces. Estus días d’itrás siguru que tábais un poucu anoxaus cumigu purque cuntei-vus muitas cousas que seguru nun vus gustá-nun. Estus cuntapinus mious nun tan entamaus pa  pirsonas rifinadas ya dilicadas cumu dais a’ntender  que sois la mayuría de vusutrus, anque esu había que preguntá-tse-lu a las mucheres vuesas, ya igual tse vus puxu el peyechu arizudu ya tsevantau. Si amirásteis algu pa etsas, daríais-vus cuenta que la mía intención nun yera mulestá-vus  nin cousa paecida;  peru anque vus dé ripilu tseelus, debéis acetar que hai que tucar tous lus palichus ho. U ía que, neste chisme ta vedau el falar de las cousas  de mediu  cuerpu  pa baixu. Nun creu que el rapaz esi de Rengus el prior, qui paré-me que ía furmalón ya sinsatu, qui lu cunsienta. Pur s’acasu tendrei que priguntátse-lu un día destus, cumu agora nun podes fia-te de naide,  nun vaya tar you quivucau ya te mitiendu  la pata sin da-me cuenta.

Tamién sei que hai parruquianus ya parruquianas desti blog que  tses gusta  muitu leer estas trangalladas mías ya m’intienden perfeutamente, peru el únicu que tien saleru pa deci-lu aiquí,  ía Miliu Ramón, el culaborador de la costa ucidental, el que m’envitou pa ir cuna Gúmer candu venga, a remochá-nus na mar cantábrica. A esti mozu nótase-tse bien que tamién ía de campu, ya un poucu bardín, asina cumu soi you. Pour esu nun tse fai ascus a estas hestorietas tan de pueblu ya tan riales cumu la vida mesma que se espublizan aiquí nesti blog de lus antiguos rapaces del cunventu de Corias. Él, di que tse faen reir  a lu tontu ya esu ía lu que you pritendu ya mi presta ouyilu. Da-me gustu cunel, pois demuestra ser un rapazón campichanu, cumu mi gustan amin. De tiquismiquis que se la cuetsen cun papel de fumar ta’l mundo chenu. Desu hai abondu pur tous lus tsaus, si ho; hailus a esgaya. Si hubiera menus melindris desus, cantu mexor nus iría a tous. Díguvus-lu cumu lu sientu. De todas las maneras, güei nun voi a cuntá-vus nada escabrosu ni escatulóxicu que podáis decire que ía  cousa de gochus ya vulgares cumu pinsais vusutrus que ía el pelgar.

Güei voi plantea-vus un prublema que se m’arrimou al tsombu estus últimus días, pur si foran poucus  lus que vusotrus ya sabéis que tsevu encima. Pae-me ricurdar que ya vus dixe que la Gúmer yera muchere separada. Creu que sí. Pois, queréis creer que el exmaridu desta rapazona presentou-tse loutru día nel hutel en Tinirife tou acelerau, despeinau ya fora de sí, cun unus celus que Dios nus  tsibre.

 Dixénun-me que se tsevantaba mui ceu ya que andaba buscándu-me a pía cumu un tsoucu pur toda la isla cuna guichada na manu. A min avisou-me’l rapacín de Tebongu que ta atsí de camareiru. Díxu-me: Jesusín, nun se t’ocurra apaecer pur aiquí nuna timpurada lonxe purque te come esti humecón. Mi alma ta tan cabreau, que ía capaz de arancá-te la chola u matá-te. Encima, ía un cachu animal grandón que paez una fiera, fae bien agustu pur dous u tres cumu tú. Tien unus brazus más gordus quel troncu dun rebotsu. Pur esu la Gúmer estus días ta catsada la grandísima zurrona, ya nun gurguta ni parula. Siguru que tien mieu que’l cafre dé cumigu ya que me rompa la crisma u que me esfarrape tou. Pur esu nun m’avisou la gandulona detsa. Tamién me dixé-nun que la Gúmer nun viniera a ve-me purque ya chegara a Tinirife este animal, candu ella iba a venire, ya que etsa  tientse muita tserza pulu brutu que ía.

Dixenun unas mucheres alemanas, vicinas detsa, que anantias de separá-tse desi anemal, ya tse  calentaba bien la badana ya  las custietsas a minudu. Probe Gúmer, etsa dixu-me que taba malina, peru yera tou una trola pa curré-me, yera tou mintira. Cumu pa vinire a veme taba la cousa. Cun arrebater na isla a ese cachu cafre de la vera del Rin tinía bastante. Miánicas que sí.

Esta fiera de home chámase Barend que quier decire oso, u mata la osa, algu asina, na’lemán; creu que ía roxu casi albinu cuna cabeza de grandi cumu la de un xatu culón, ya que mide dous metrus de tsargu pulu menus. Lus gadechus tségan-tse al renazu. Ya creu que trabacha nel puertu de Norddeich de Baja Sajonia nel mar del norte, descargandu cuntenedores. Paré que tien tatuaxes hasta na nuca ya muntones de fierrus culgaus de las urechas ya de las narices. Cumu pa faé-tse frente a este miluetu.

 Tamién me dixé-nun questi anemal na más chegar al hutel sacou  un ritratu de la cartera nel que tamus la Gúmer ya you beitsandu, que nun sabé-mus  quien diantres se la diu,  ya paré que you téngu-tse lus papietsus bien arrimaus a lus detsa. Al paecer esta bestia, na más chegar a la recepción, ya  nun  paraba cunu  ritratu tsevantau ricurríendu l’hutel pa rriba ya pa baxu tou esnalazau ya diciendu picaus cumu si tuviera embruxau. Taba tan tsoucu esti cafre de home que recurría el edificiu dabaxu arriba sin parar  saltandu las escaleras  a zancadas de dous en dous lus escalones  cunu ritratu na manu amirandu pa tous lus tsaus pa la xente que veía a ver si me recunucía a min entre etsos, ya nun paraba de farfutsar parulas raras ya tsevantar lus brazus. Díxu-me’l rapacín de Tebongo que este home estus días tinía lus güechus culuraus, tous ensangrentaus, cumu si lu hubieran arrabuñau cuna barda d’artus, yal fucicu tou  chenu de spumaraxu blancu, cunas babachas culgandu di una cuarta de tsargas, lu mesmu quel burrón de nuesa casa candu monta las gochas que tse traen pa cubrí-las. Creu que mitía mieu, solu cun amirar pa él.

Ya lu pior de tou ía que dixu que pa Alemania nun vulvía sin dexar esti asuntu arreglau. Si nun m’atrapaba nas Canarias que vinía  pa la península a por mín. Dixu que  nun naciera tuvía unu  que tuviera’l arroxu de  punetse a él la curnamenta. Asina, cumu veis, nun me chega la roupa al cuerpo, nun duermu de la tserza que tengu. Toi pinsandu en dexá-me barba ya puner unas gafas de sol cumu las de Martiriu, desas amaripusadas pa  desemular. Ya lu que más me procupa de tou ía que tengu mieu que la Gúmer, baxu amenazas desti animal, tse diga las señas de la  mía casa. Si lu Gúmer s’acubarda ya canta, toi aviau; ya puedu naspiar cantu anantias, ya nun parar de chapinar hasta Brasil pu lu menus, cumu cerca. Amira que tengu mala suerte you cunas mucheres, nun me sal una al dereitu. Ésta que paecía tan bien chanflou-me. Paré que me amirara a minudu el renubeiru. Mal rayu me parta ho. Ya cun esu alón.


"Jesusín", el pelgar

MONASTERIOS DE ESPAÑA

D. Miguel Angel, me va a permitir colocar este Monasterio, que ilustramos con dos fotografías.

Fue fundado en el siglo X. Por el pasaron entre otras congregaciones, los Benedictinos y los Jesuitas.

Destaca su Claustro Plateresco.

Creemos que por esta zona no trabajó nuestro Bloguero Prior, salvo que él diga lo contrario.

CULGADIXUS DE FELPA VULADORES

Voi datse algún rumediu caseiru al rapaz de la marina, Milio Ramón,  pa que candu ritornen  lus sous  parientes cubanos sepa dicitses lu que han de faere nus casus d’apuru mutivaus pu lus turzones ripintinus de vandouga sin que tses paezca que tsevan itrás detsus un enxame  d’abechas. Nestus imprevistus qui nus entran a tous, de vez en candu, ía muitu emportante tiner algún rumedio a manu. Si te atoupas nu campu nun ía prublema nenguno, pu lu menus pa min. Pa lus de capital cumu tan algu más apaxaraus, muitas veces vuelven-tse tsoucus ya nun saben qué faere, pero ía muitu fácil. Subre tou agora cara al branu. Lu que cunvien sabere ía un pouquinín de las plantinas ya yerbucus que hai pu la vera’l camín. Si tamus cerquina de una güerta ta feitu: las fuechas de berzas, de  rimulachas, de lechugas ya las acelgas son lu mexor pu lu grandes que son. Solamente hai que arrancatses el touzu. Tamién lus maices. Las que pinchan muitu son las de lus calabazones, esas nun valen.

Si nun hai una güertina cerca ya tas nu mediu’l campu las mexores fuechas pa ristrigar el oxal son las carbazas, las siete costuras, el sumbreiru de sapu (ombligo de Venus), l’alfalfa, lus nabus, ya la ceba en xeneral. Cunvien tiner cuidau cunas fuechas de la fabas ya de lus fréxules que anque paecen mansinas tienen muita pilusa ya luegu escuecen muitu. Outras que nun deben cutsé-se nunca son las de  zirigüeña, las burtigas, lus tarrietsus, lus cinizus, las acederas yal toronxil.

 De toda la flora salvaxe que hai pu la veira’l camín, pa mín las mexores de todas son el gordotsobo, cumu el que ta nu ritratu darriba, anque nun se vein las fuechas, ya lus anises u hinoxu. El primeiru destus tien la fuecha  aterciopelada, grandona,  ya ía muitu fina ya suave. Ya lus anises que ían cumu filus, si cueches un bon puñau tsímpian-te muitu bien, ya’ncima deixan-te’l oxal pirfumau del tou. Las fuechas de castañu, rebotsu, ablanu ya humeiru, tamién son bonas. Las d’abedul son piquenas. Las qui nun cunvien cutsé-las  ía las de lus nuceus  purque son muitu ralas y’aparte desu, cumu tienen muitu yodu  déxante la zona tiñida de culor marietsu uscuru.

Una ve apercibiu de todas estas pricauciones pa puder datse unas bonas friegas a la zona afetada cunas fuechas, pa que espués nun tse pique a unu el furacu, lu mexor de tou ía l’augua. Si nun hai cerquina un rigueiru, hai que busca-lu. Purque cunvien tsaba-lu cun augua fresca que ía lu mexor ya lu más natural. Fai poucu cuntei-vus you aiquí nu blog lu que me’nseñou mía madre a faer candu yera piquenu cuna lata de las sardinas, purque nun había nas casas ritrete, ni augua curriente.  Nun creu que tenga que repeti-lu.

Tandu nu campu, ya tsegau’l mumentu del riturzón, na mas qui se tsimpia unu cunus yerbacus hay que salir pitandu  en busca dun rigueirucu ya escarráncase  bien espatarrau, puniendu lus pías unu a cada tsau del augua ya comenzar a tsabuquear bien todu’l desaugue cuna manu, cumu faen lus moros. Asina pasau el mumentu, ya nun pica nada; queda unu tsímpio ya fresquín que da gustu pa tou’l día. Estu mesmu dísetse-lu you a un pariente miou madrileñu  fae un muntón de anus candu vinía pul branu pa la yerba ya, miánicas que fixu-me casu, peru al branu siguiente candu vulviu, traía’l probe rapaz  cunel un bote de polvos de talcu, ya sempre que andába-mus pul monte dicía-me: Jesusín, alcuerda-te que tsevu you nu bolsu el rumediu pur si tinemus que baxa’l pantalón eh. You ría-me ya catsaba la bouca. A veces you pinsaba: este rapaz mi alma que ía mediu fatu;  ya lu pior ía que ya nun espabila, peru que tse iba a faer: catsar la bouca ya  riíme.

Tandu nu campu nun ía prublema ningún cumu digu. Lu pior pasou-me a min tandu nuna pinsión candu yera ya muzucu espués duna nueite de muita farra ya muitu sople de tintu,  que entránun-me de nueite unas ganas de esfueirar hurribles yal ritrete taba pechau. Sabéis lu que fixe;  pois quitei lus calzuncillus tsargus de la marca El Osu que tsevaba  puestus, anudei-tses las pirneras pul fondu ya fíxe-lu dientru cumu si fora un espurtillu de pacha. Espués atei-lus pu la cintura ya aventei-lus  pu la ventana  pa unas güertas que había pa la parte d’abaixu. Cumu yera nueite  pechada nun si via nada ya nun supe onde foran a parar. Sí me’strañou bastanti qui nun uyí’l estrueldu de pigar nu suelu la fardela, peru cumu yera inviernu penséi que la güerta tendría muita muruxa ya faía de culchón, pur esu nun se uyía. You tumbei-me nu camastru yal mumentu taba durmiu. Peru lu pior de tou foi al amanecere al día siguiente que amirei pu la vintana pa ver ou fora a parar  el postre de la nueti, ya na más abrir la vintana,  ya vi lus marianus culgandu de lus cables de la luz cun tou’l marrón al aire. Casi nun lu criía, candu asomei de nuevu las napias pul ventanucu ya vi a unas mucheres riéndu-se y’amirandu pal espanta páxarus aquel. Pa que nun pinséis que estu ía inventu miou, direi-vus que pasou-me al poucu de tar  cunus flairones de Corias, ya pa más pistas tamién vus digu que foi tandu nuna pinsión que taba astoncias na calle Mayor en Cangas. El ventanuco pur ou  lancei‘l ricau daba pa las güertas que había na Veiga pigadas a la cuesta que sube pal  Curral.

You salí timpranu d’atsí pa que nun se rieran de min ya nun supe más d’aquetsu. Supungu que lus de la luz sirian lus encargaus de desculgar el munigoti de lus cables. Igual Caco sabe cumu foi‘l riscate. Anque na quetsus tiempus tuvía nun trabachaba Xuaquín na Eléctrica, purque yera un nenucu apenas. Peru tindrei que priguntatse-lu candu lu vea, pur sacasu uyíu a lus más viechus cuntar algu de lus culgadixus  de felpa vuladores.